影片
更多
2022-10-15
64 浏览
黑樺牛 (尖沙咀)📍尖沙咀堪富利士道6-6A號爵寓1樓-第一次食A5黑毛和牛放題。其實早係2 星期前已經book定枱，因為呢間餐廳好細唔多枱，真係好易full！睇完晒啲食評都知道佢地晚市似乎人手唔夠，所以都特登食午餐12:30。120 分鐘和牛放題$398 （另收加一），下午就算超時職員都唔會趕客，但晚上要serve 多輪就會執得正啲啦。去到果刻岩岩有好幾枱客都到左，所以佢地要挑戰一次過serve 幾枱客。每枱都會上頭盤 （包括：7種A5 黑樺牛部位各上一碟，海鮮，鳥籠）職員唔記得上頭盤俾我地，要追先有，不過一追都好快到！而個鳥籠又係… 食到半路先發現未黎，又係要追….🤐-❤️但值得重點讚嘅係大部分職員都係態度好好有禮貌，睇得出都已盡左力，可能真係人手唔夠所以甩晒碌。-總共有6 個鍋可以揀，其中兩個係 「每日限定供應」。分別係 北海道豆乳玫瑰拉絲芝士鍋 同 台灣麻辣火山鍋。因為職員表示無玫瑰芝士鍋，所以揀左另一個打卡必選嘅台灣麻辣火山鍋，因為要玩火架🔥🤭呢個湯底起初都怕會伏，因為話晒玩味太濃，又著火🔥又火山爆發🌋，又有冬瓜盅… 完全唔係平時打邊爐會見到嘅款式😂 喜出望外，佢個湯底係幾惹味
📍尖沙咀堪富利士道6-6A號爵寓1樓
-
第一次食A5黑毛和牛放題。其實早係2 星期前已經book定枱，因為呢間餐廳好細唔多枱，真係好易full！睇完晒啲食評都知道佢地晚市似乎人手唔夠，所以都特登食午餐12:30。
120 分鐘和牛放題$398 （另收加一），下午就算超時職員都唔會趕客，但晚上要serve 多輪就會執得正啲啦。
去到果刻岩岩有好幾枱客都到左，所以佢地要挑戰一次過serve 幾枱客。每枱都會上頭盤 （包括：7種A5 黑樺牛部位各上一碟，海鮮，鳥籠）職員唔記得上頭盤俾我地，要追先有，不過一追都好快到！而個鳥籠又係… 食到半路先發現未黎，又係要追….🤐
-
❤️但值得重點讚嘅係大部分職員都係態度好好有禮貌，睇得出都已盡左力，可能真係人手唔夠所以甩晒碌。
-
總共有6 個鍋可以揀，其中兩個係 「每日限定供應」。分別係 北海道豆乳玫瑰拉絲芝士鍋 同 台灣麻辣火山鍋。因為職員表示無玫瑰芝士鍋，所以揀左另一個打卡必選嘅台灣麻辣火山鍋，因為要玩火架🔥🤭
呢個湯底起初都怕會伏，因為話晒玩味太濃，又著火🔥又火山爆發🌋，又有冬瓜盅… 完全唔係平時打邊爐會見到嘅款式😂 喜出望外，佢個湯底係幾惹味，麻辣程度好mild，當然一定係味濃啦，食唔慣重口味可能會話佢咸，但我鐘意😆
-
🥩A5 黑樺牛：
▫️ A5熊本黑樺和牛特上霜降小肉
▫️A5熊本黑樺和牛牛小排 ‼️超好食‼️
▫️ A5熊本黑樺和牛上肩胛肉‼️入口即溶‼️
▫️ A5熊本黑樺和牛肩胛梅花
▫️ A5熊本黑樺和牛牛前胸
▫️ A5熊本黑樺和牛玉子後腰肉 （職員話岩岩到貨整唔切所以冇得食）
▫️ A5熊本黑樺和牛牛頸脊
▫️ A5熊本黑樺和牛千本筋
👍🏻👍🏻👍🏻👍🏻👍🏻 基本上每一碟牛嘅雪花都好靚，而且係和牛嘅味道，油脂豐富當然入口即溶！加上每片都厚薄適中，切得好完整唔會碎濕濕，配合埋花花碟，賣相加晒分！
-
牛嘅質素其實去日式超市買每份都一定要過百，所以呢個放題係抵食架！
🦐海鮮拼盤：
每人兩隻大扇貝，同兩隻蝦
-
燒海鮮都會玩火架😂 係客人面前灑玫瑰露再點火燒一陣，焗10 分鐘就食得！佢用咗啲好特別嘅調味料，所以燒嘅時候好香！扇貝亦都非常之大隻好新鮮！
🦉鳥籠：
▫️6 粒手打丸 （可惜味道已變酸，連質地都變得好怪）
▫️佐賀名水豚
▫️黑樺牛
-
呢個鳥籠得個靚字….. 打卡可以，食就小心為上啦 食完啲丸咁酸我地都怕怕左！同職員反映左，相信都係個別事件…😬
🥤 飲品：
除咗一般嘅汽水之外，仲有梳打水，同幾款無糖花冷泡茶（白桃烏龍茶，台灣四季春，茉莉花茶..）仲有一支幾好飲嘅蜂蜜柚子冰凍紅茶 （但都幾甜🤭）
當日其實沙冰就只得椰香蜜瓜，傳說中嘅楊枝甘露就吉左冇得試😮💨
🍧甜品：
主要都係Cocoberry 雪糕同雪條，其中試左個椰子雪糕幾好味🤤 唔甜架！
😇 雖然樓面管理同某部分食物品質控制都有待改善，但啲和牛真心正嘅，我地2 個人食左12 碟，完全值回票價。 亦都相信過一排會想食多次！
-
🍴食物🍴：⭐️⭐️⭐️⭐️
🌆環境🌃：⭐️⭐️⭐️⭐️
👨🍳服務👩🍳：⭐️⭐️⭐️⭐️
💰價錢🫰：⭐️⭐️⭐️⭐️
↪️CP值↩️：⭐️⭐️⭐️⭐️
张贴
