Lockeroom Express (已結業)

為左食卡邦尼意粉，我來了佐敦 Lockeroom Express食呢餐晚餐。除左點左卡邦尼意粉外，我仲叫埋咸蛋黃雞翼、朱古力奶凍同埋凍朱古力飲品。先講卡邦尼意粉，佢係整得好食的，個汁入味，溫泉蛋熟度岩岩好，意粉又唔係太淋，呢一點已經加哂分。跟住緊係要講下有得自助任添餐湯啦，今次係羅宋湯，飲完暖笠笠，正。之後，我仲點左一客咸蛋黃雞翼，佢個味道一流，咸度濃度岩岩好，雞翼熱度都係岩岩好。至於個飲品，凍朱無得彈，一D都唔稀，加埋個朱古力奶凍，一口一享受。呢餐簡直無得頂！