影片
更多
2023-12-14
48 浏览
叁不館🌟雙拼湯底：復古味沙嗲湯、玫瑰花花藥膳湯🌟牛魔王拼盤🌟鮮雞件（半隻）🌟日本扇貝🌟蘇格蘭蟶子🌟桂花蚌🌟脆鯇魚骨腩🌟手打丸雙拼：芝士墨魚丸、芝士蝦丸🌟油麥菜🌟竹蔗茅根海底椰自己一直都行緊16+8嘅Diet, 最近聽人講話不定期咁Fasted 對身體幾好，所以試咗一次30個鐘嘅Fasted。On diet 之後嘅第一餐要補足返足夠嘅營養，但係又唔可以唔健康，所以揀咗去叄不館打番個高質邊爐。湯底方面揀咗雙拼，分別係玫瑰花藥膳湯同埋復古沙嗲湯，兩款湯底呢都唔會話太過濃味，一款有淡淡的藥膳味，另一款充滿住港式沙嗲味。醬料方面，餐廳有款自家製蔥頭油，好啱加少少落去調配自己嘅醬汁，呢款蔥頭油仲可以單獨買番屋企添。嘢食方面，我都盡量揀咗啲原型食物。首先係牛魔王拼盤，入面包括咗極級手切本地肥牛、頂級安格斯牛頸脊、手切封門柳、鮮牛肉粒、有胸尖同埋牛脷托，真係超級豐富，而且肉味好香濃，推薦大家叫ar。健康嘅打邊爐，當然亦都唔少得海鮮，我total叫咗四款，每一款都好新鮮，食得出餐廳嘅食材的確高質。個人最推薦桂花蚌，自己本身都係食炒桂花蚌多，第一次用桂花蚌打邊爐，發現都幾爽口鮮甜，好啱打邊爐。Overal
🌟雙拼湯底：復古味沙嗲湯、玫瑰花花藥膳湯
🌟牛魔王拼盤
🌟鮮雞件（半隻）
🌟日本扇貝
🌟蘇格蘭蟶子
🌟桂花蚌
🌟脆鯇魚骨腩
🌟手打丸雙拼：芝士墨魚丸、芝士蝦丸
🌟油麥菜
🌟竹蔗茅根海底椰
自己一直都行緊16+8嘅Diet, 最近聽人講話不定期咁Fasted 對身體幾好，所以試咗一次30個鐘嘅Fasted。
On diet 之後嘅第一餐要補足返足夠嘅營養，但係又唔可以唔健康，所以揀咗去叄不館打番個高質邊爐。
湯底方面揀咗雙拼，分別係玫瑰花藥膳湯同埋復古沙嗲湯，兩款湯底呢都唔會話太過濃味，一款有淡淡的藥膳味，另一款充滿住港式沙嗲味。
醬料方面，餐廳有款自家製蔥頭油，好啱加少少落去調配自己嘅醬汁，呢款蔥頭油仲可以單獨買番屋企添。
嘢食方面，我都盡量揀咗啲原型食物。首先係牛魔王拼盤，入面包括咗極級手切本地肥牛、頂級安格斯牛頸脊、手切封門柳、鮮牛肉粒、有胸尖同埋牛脷托，真係超級豐富，而且肉味好香濃，推薦大家叫ar。
健康嘅打邊爐，當然亦都唔少得海鮮，我total叫咗四款，每一款都好新鮮，食得出餐廳嘅食材的確高質。個人最推薦桂花蚌，自己本身都係食炒桂花蚌多，第一次用桂花蚌打邊爐，發現都幾爽口鮮甜，好啱打邊爐。
Overall嚟講，我哋呢間餐廳嘅質素都幾滿意，而且佢嘅裝修風格好得意都幾啱一大班朋友嚟打下邊爐傾吓偈。
张贴
