影片
更多
2023-10-17
140 浏览
好友生日, 帶佢黎到高質又精緻既地方打邊爐～大家都係銅鑼灣返工，所以揀左"香江花月"! 呢度打卡位超多, 除左環境點影都靚, 連食物都高質.我同好友揀左個雲南野菌乳鴿鍋, 擺得好靚, 入面好足料, 唔同種類既菇都有, 仲成隻乳鴿上，真材實料。肉類方面揀左太極兩儀，紅酒浸住安格斯牛，另外亦有黑松露牛乳浸梅花豬肉片～賣相好OK, 牛肉油脂分佈平均,食落淡淡紅酒味,又嫩又滑. 豬肉片食落好香黑松露味.之後開始點野食，有七色丸、海帶苗、秋葵蟹籽墨魚滑。七色丸色彩繽紛，當中有黑松露墨魚丸、鹹蛋墨魚丸、椰汁墨魚丸、紅咖哩魚丸、青咖哩墨魚丸、南乳墨魚丸同蟹籽墨魚丸！第一次試咁多唔同口味既丸，粒粒都爽口彈牙。海帶苗好多呀, 食落爽口又滑身，唔錯。秋葵蟹籽墨魚滑同樣爽口彈牙～湯鍋入面既乳鴿我地之後都拎出黎食，肉質超嫩，好推介！最後仲點左２杯飲品，好精緻！分別係：花月豪庭同琥珀誘惑～花月豪庭：有清新怡人既藍莓同蘋果，配上乳香味濃既北海道牛奶，口感幼滑濃郁～琥珀誘惑：番石榴做基底，加入新鮮奇異果汁、橙汁及波蘿汁，飲落充滿層次感，口感非常清新。OVERALL 坐得勁舒服, 空間感好夠, 食物同員工質素好好,
大家都係銅鑼灣返工，所以揀左"香江花月"! 呢度打卡位超多, 除左環境點影都靚, 連食物都高質.
我同好友揀左個雲南野菌乳鴿鍋, 擺得好靚,
入面好足料, 唔同種類既菇都有, 仲成隻乳鴿上，真材實料。
肉類方面揀左太極兩儀，
紅酒浸住安格斯牛，另外亦有黑松露牛乳浸梅花豬肉片～
賣相好OK, 牛肉油脂分佈平均,食落淡淡紅酒味,又嫩又滑.
豬肉片食落好香黑松露味.
之後開始點野食，有七色丸、海帶苗、秋葵蟹籽墨魚滑。
七色丸色彩繽紛，當中有黑松露墨魚丸、鹹蛋墨魚丸、椰汁墨魚丸、紅咖哩魚丸、青咖哩墨魚丸、南乳墨魚丸同蟹籽墨魚丸！第一次試咁多唔同口味既丸，粒粒都爽口彈牙。
海帶苗好多呀, 食落爽口又滑身，唔錯。
秋葵蟹籽墨魚滑同樣爽口彈牙～
湯鍋入面既乳鴿我地之後都拎出黎食，肉質超嫩，好推介！
最後仲點左２杯飲品，好精緻！分別係：花月豪庭同琥珀誘惑～
花月豪庭：有清新怡人既藍莓同蘋果，配上乳香味濃既北海道牛奶，口感幼滑濃郁～
琥珀誘惑：番石榴做基底，加入新鮮奇異果汁、橙汁及波蘿汁，飲落充滿層次感，口感非常清新。
OVERALL 坐得勁舒服, 空間感好夠, 食物同員工質素好好, 下次可以帶屋企人黎食.
张贴
