影片
更多
2017-02-22
449 浏览
呢到既感覺好似食緊放題咁。一般我去打邊爐既地方都比較中式，最多就好似牛陣咁，但呢到連寫野個d紙都係好似放題咁分類放，個人覺得幾特别同埋整齊！未入黎睇到張單張已經覺得有好多選擇！只係湯底已經有差不多20款。因為今日唔想食辣所以叫左個人參雞湯。一黎就試左啖湯先，幾清幾好飲。d雞都幾滑，唔係原隻上，但咁先易食。人參味都濃。不過下次如果知道湯料有咁多我就會叫少d肉，今次真係有d食唔晒(呢張相係放完肥牛後影既)食物選擇好多！最正既係海鮮類都好多！一個價錢可以任叫既好處就係可以叫多d自己鍾意食既野！平時係酒樓有時食野都要就大家既口味價錢黎叫，今次就可以你有你食肉，我有我嘗鮮。佢d海鮮都真係幾鮮，特别係隻蠔！好大粒！除左生蠔，我最鍾意就係打邊爐淥蠔，咁先夠原汁原味，同埋食到蠔既彈&爽！除左蠔，佢仲有正咁有大大隻既田雞腿！真係好少會係其他地方見到架！因為少食，其實我唔係好知要淥幾耐先岩，不過我都仲係好喜歡佢既肉地。蜆都算洗得幾乾淨。佢d食物因為比想像中大粒，所以我地都係叫左一round就無再加單。高質可以令數量變得次要，呢個係我係到食野既感覺。牛好得意，唔同一般既上碟，係掛住上既。其實我覺得咁樣影相好
呢到既感覺好似食緊放題咁。一般我去打邊爐既地方都比較中式，最多就好似牛陣咁，但呢到連寫野個d紙都係好似放題咁分類放，個人覺得幾特别同埋整齊！
未入黎睇到張單張已經覺得有好多選擇！只係湯底已經有差不多20款。因為今日唔想食辣所以叫左個人參雞湯。一黎就試左啖湯先，幾清幾好飲。d雞都幾滑，唔係原隻上，但咁先易食。人參味都濃。不過下次如果知道湯料有咁多我就會叫少d肉，今次真係有d食唔晒
(呢張相係放完肥牛後影既)
食物選擇好多！最正既係海鮮類都好多！一個價錢可以任叫既好處就係可以叫多d自己鍾意食既野！平時係酒樓有時食野都要就大家既口味價錢黎叫，今次就可以你有你食肉，我有我嘗鮮。佢d海鮮都真係幾鮮，特别係隻蠔！好大粒！除左生蠔，我最鍾意就係打邊爐淥蠔，咁先夠原汁原味，同埋食到蠔既彈&爽！
除左蠔，佢仲有正咁有大大隻既田雞腿！真係好少會係其他地方見到架！因為少食，其實我唔係好知要淥幾耐先岩，不過我都仲係好喜歡佢既肉地。蜆都算洗得幾乾淨。佢d食物因為比想像中大粒，所以我地都係叫左一round就無再加單。高質可以令數量變得次要，呢個係我係到食野既感覺。
牛好得意，唔同一般既上碟，係掛住上既。其實我覺得咁樣影相好靚！同埋唔使成日痴住。不過食食下就發現，咁掛法d血水會係咁滴落下面d菜到，有d搞笑
醬料部係任拎既，好貼心既係有生雞蛋！真係好少地方可以咁！有時要係食物到點雞蛋自己加。
飲品旁有d冷盤小食可以自由拎，芝士丸海膽丸個d都係個到，岩晒個d丸killer。*店員服務態度好唔好係一間餐廳吸引我仲會唔會再去既最主要原因！呢到就真係唔錯啦！又無漏單，又會主動收野，又有笑容。
呢到既性價比算好高！加$30仲可以任叫刺身。岩晒喜歡多選擇既我！
张贴
