NINETYs (星光行) (已結業)

Ninety’S 係香港已經開左好多分店，最中意係尖沙咀誠品，可以望住海景好悠閑咁hea 下。今次已經係第三次泥，佢岀名食物同咖啡都好高質。餐廳採用qr code 下單，我地要左咸蛋黃龍蝦意粉，呢個真心好好食，次次泥都會點。佢賣相驚艷，有半隻開邊龍蝦，充滿粒粒蛋黃蓉，混合意粉，好夾好濃郁。佢龍蝦都大大隻，肉質肥美好彈牙。另外叫左係180g叉燒，配酸梅醬，酸酸甜甜好開胃，舊舊叉燒肥瘦均勻，肉質細嫩。飲品要左主打ninety plus drip coffee 豆味香濃，味道帶微酸，店員每次都會細心講解豆既味道，好欣賞，另外店內亦有買豆服務，可以帶返屋企慢慢品嘗。我地仲叫左手工啤，係同吹啤啤本土發酵制作，飲落好似咖啡既味道，好特別，酒味唔太突出，岩哂唔飲得酒既朋友。