吃扒 (已結業)

今日去開旺角搵晚餐食，之前mark左間傳統扒房想去食，上網見裝修都幾特別，燈光幾有feel咁。佢夜晚餐牌得兩頁，有鐵板餐，生酮主菜，小食，飯/意粉等等。我哋要左香煎挪威比目魚柳同吃扒什扒餐蒜蓉汁，另外配意粉，兩個都加錢轉左套餐。我哋揀左羅宋湯，大碗得嚟都好夠味，鐵板餐仲有個餐包，熱辣辣好鬆軟。鐵板餐上枱好熱辣辣，入面有雞牛豬之外，仲有煎蛋煙肉同司華力腸，啲扒都好大份啖啖肉，配有蒜蓉汁嘅意粉真係正。另外個比目魚都有好多件，燒得脆得嚟又香又爽口，個底仲有椰菜花墊底，好健康。最後仲有餐飲同鐵板餐有份甜品-一個雪糕杯。食完好滿足！