The Point (已結業)

同事Farewell dinner，想搵d特色野食，選擇左口碑不錯既The Point，一入餐廳就見到個半開放式既廚房，睇住佢地烤Pizza，感覺幾好。黑松露芝士薯條，每次叫黑松露既食物，總有d人非常抗拒，但我地今次一行7人，竟然無人唔食，實在太難得！芝士好香，配埋黑松露既菌香，薯條炸得亦香脆可口，一流！煙三文魚 三文魚子 溫泉蛋 配忌廉芝士醬Pizza煙三文魚好大塊，份量亦好多，每塊Pizza都至少有一塊煙三文魚，餅底好脆，配埋個芝士醬好好食！溫泉蛋食到最後先發現原來係另上，所以無食到，哈哈和牛蜆殻粉和牛好好食，好入味，水準之上。M5和牛西冷好大塊，7個人分，每人都食到兩舊，燒得幾香，牛味濃。整體黎講，食物質素同餐廳環境都中上，好適合一大班人傾談，不過當晚個冷氣有d不足，見d職員整左幾次，可能壞左，希望只係個別事件。