我愛慢煮 (孖沙街) (已結業)

同幾個友人黎到上環呢間慢煮食dinner💛叫左油封鴨髀、煙烤豬仔骨、雞鎚，最鐘意係雞鎚，真係好juicy，加埋個BBQ汁真係好正，啖啖肉，好滑好食！😋😋😋豬仔骨都燒得好好，夠香！🐷另外叫左不同小食，有最愛既蕃薯條🍠，炸到好脆，同fd爭住食！芝士大啡菇同芝士菠菜比既芝士超多，勁啱我呢d芝士愛好者！🧀🧀每個朋友揀既野飲都唔同，我覺得我飲既荔枝特飲都唔錯，朋友話手工啤好爽！最後一讚brownie好食，夠朱古力味得黎唔會死甜，配埋雪糕啱啱好🍦 總結黎講，性價比好高，所有野食都好滿意，適合朋友聚會/情侶拍拖食。