Aussie Grill by Outback (已結業)

朋友介紹話呢間好好味，特登黎試一試。門口排隊要入面有位坐先可以落單，叫咗一個綜合漢堡配手工薯片，一份豬肋骨配薯條，另外再單叫咗一份炸洋蔥。原來手工薯片，薯條同炸洋蔥，每樣野配嘅醬汁都唔同。薯片配嘅醬好似芝士味，洋蔥配蒜忌廉醬，薯條配茄汁。薯片嘅醬第一啖食落去好驚艷，炸洋蔥亦都好出色，內濕潤外脆。反而薯條比較失色，唔知係咪放得太耐先送過黎，薯條已經林晒一啲都唔脆。反而薯片同炸洋蔥就好脆好好食。豬肋骨比較普通，漢堡入面嘅青椒非常好味，唔怪得知王牌係有一隻大青椒原隻擺喺漢堡上面。下一次一定要試吓呢一款。總體而言價錢合理，人均大概$100至$120，以呢個高質素而言，值得再幫襯。