The Salted Pig (D2 Place) (已結業)

上網睇到依間餐廳都好多人介紹，黎開荔枝角就同朋友 book 左星期日黎食，12 點先開，開頭都冇咩人，食食下愈黎愈多人，1點已經滿哂座，睇黎真係好受歡迎一入去個環境同裝修已經好似去左外國咁，樓底又好高，工業風裝修都坐得好舒服，仲安排左卡位比我地坐好闊落坐得好舒服。首先上左瘦豬豬菠菜藜麥沙律，入邊有西柚，烤杏仁，橘子汁，菜頭。幾特別，沙律控既朋友讚不絕口，酸酸甜甜又的確好開胃墨西哥芝士新豬肉簿脆，一黎已經覺得份量超多同賣相好靚，好 colourful , 打左好耐卡先捨得食，入面有蕃茄，牛油果醬，橄欖，純素車打芝士一食就番唔到轉頭，食上癮。招牌德國咸豬手，上菜果時都忍唔住 wow 左出聲，大份到癲，足足成 1kg , 雖然餐牌寫 for 兩個人食，但其實兩個人食都飽到爆，好抵食，豬手咸度我覺得岩岩好，豬皮夠哂脆，肉汁好 juicy , 配埋芥末籽忌廉汁，仲有酸菜，焗薯仔同蘿蔔。瘋狂香蕉雪糕新地，估唔到連甜品都咁出色，賣相首先又係勁吸引，入面有成條香蕉同好多士多啤梨，雪糕好軟，有朱古力同忌廉，入口即溶，仲有好大塊既窩夫，好高 cp 值，呢個甜品真係值得一讚飲品方面朋友揀左熱情果蘋果汁特飲。