The 5B Private Corner

营业中

休息中

位置雖然較遠，但好適合想靜靜地同朋友傾下計聚會嘅好地方，而呢到裝修比人感覺好温暖好悠閒，仲有Boardgame可以玩下。食物相當好，特別肉類，整到多汁嫩滑，估唔到工廈入面有咁高質嘅美食今次一行六人，叫左七樣野食，每人百五蚊左右，基本上碟碟都好好味。煙三文魚沙律 $88三大塊煙三文魚，有青瓜，蕃茄仔，加上黑醋，酸酸地，相當開胃。西班牙風乾火腿拼蜜瓜 $58 x 2放得好靚，火腿一舊好大塊，咸味強，而蜜瓜清清地，微甜。龍蝦汁燴意大利海鮮飯 $132 望落好似無咩汁咁，原來飯吸哂汁，啖啖都有香濃甜甜地嘅龍蝦汁，米飯口感好，唔會太軟，有四隻蝦，兩隻青口。香煎慢煮西班牙黑毛豬 $148 慢煮嘅效果，熟哂但中間睇落仍粉紅，肉質鬆軟唔鞋，而且，仲好多汁唔乾。法式香烤焗雞 $158 味道好夠，食到入面雞肉仲係好有味道，都係唔乾身好嫩。香煎低温慢煮挪威三文魚柳 $168 煎到表面香脆，入面就相當滑口，個意粉都好正，蒜味夠又彈口。法式烤乳豬 $228 皮整得好脆，肉都係好嫩口，仲充滿香草味係入面。菜單係APP book枱有折扣優惠，更抵食。