鮨和居食屋 (已結業)

今次想同大家推薦呢間係銅鑼灣嘅日本菜，份量都幾多㗎，食物仲好高質添！🍱照燒安格斯牛扒定食（$158）牛扒嘅熟度剛好，牛味好香，有肉汁，而且都有好多塊㗎！加埋珍珠米一齊食🍚，好滿足！🐟鮨和廚師發辦魚生丼（$188）想食魚生飯但又有選擇困難，唔知揀咩魚生好🤔？呢度就有廚師發辦嘅魚生飯！魚生嘅種類好多，今次就有海膽、拖羅、帶子、魷魚等等，全部都好鮮甜🥰！跟餐仲有茶碗蒸、麵豉湯、漬物、沙律、飲品或雪糕！呢個價錢食到咁高質嘅日本菜，性價比都幾高㗎😙！