月爐．端燒

营业中

休息中

依間旺角嘅居酒屋，居然有好少見嘅雞提燈同埋雞冠，未試過嘅朋友記得去試吓🥳見過人哋介紹食雞提燈，所以我今次就去試下，原來雞提燈係雞嘅子宮，食落口感非常特別，會有爆漿嘅口感。 另外我今次先知，原來雞冠都可以食，而佢嘅口感偏煙靭，都幾得意。🤣🤣然後我同朋友兩個人叫咗一個二人餐，佢嘅二人餐都相當豐富，$438就已經有3種刺身，生蠔同沙律。然後仲有10串唔同嘅串燒，兩碗烏冬同埋一份甜品。非常之夠多，而味道亦都唔錯。而且佢哋生蠔上邊仲有綠色嘅啫喱，非常有趣。我最後仲叫咗兩杯梳打，佢哋嘅梳打甜度啱啱好，唔會太甜。另外環境都好好，除咗下邊有得坐吧枱之外，上邊就係有得坐榻榻米，非常之有儀式感。而且連食沙律嘅匙羹都非常精緻，同朋友食飯嘅話，不妨試一下呢一間。另外依家佢哋推出咗一個優惠，午市套餐免加一，晚餐有八折。