黑木亭居酒屋 (清風街) (已結業)

呢間居酒屋除咗天后，尖沙咀同元朗都有分店。Menu有好多選擇，就連午餐定食都有刺身、壽司、串燒、壽喜燒等可以揀，仲包咗小食同麵豉湯～▪️火灸左口魚邊卷🐟左口魚經過火灸，魚油香出晒嚟，入面卷住蟹柳、玉子、青瓜，面頭仲有啲蟹籽，口感豐富▪️一人刺身拼盤配日本產赤醋飯刺身包括海膽、吞拿魚蓉🐟、三文魚🐟、油甘魚🐟、赤蝦🦐，全部都非常新鮮。赤醋飯面頭仲有三文魚籽同雞蛋絲，配刺身啱啱好▪️特製串燒定食有五款串燒，分別係牛肋串🐮、厚切豚頸肉串🐷、雞腿肉🐔、帆立貝、茄子🍆，每款都燒得好香口，唔油膩。另外仲有兩件飯團，分量都好夠飽▪️藍蝶花佛手柑熊茶🍹▪️紅火龍佛手柑熊茶🍹熊茶原來就係喺飲品上面放上熊仔樣嘅冰，好得意😍 佛手柑味道清甜，帶少少酸，入面仲有啲果肉，啱晒夏天黑木亭居酒屋 📍天后清風街10號清風大廈地舖📍尖沙咀金馬倫道58-60號國鈀大廈地下至1樓📍元朗裕景坊15-25號玉成大廈地舖