天勝

营业中

休息中

今日妟就食得太飽，所以夜晚就諗住食啲輕盈啲既日本菜啦，就同朋友黎到銅鑼灣呢間日本餐廳。餐廳唔係好大，得幾張枱，不過服務員既態度好好，非常友善。前菜我地嗌左秋葵酢，醋加埋啲木魚，咸咸酸酸地好開胃，秋葵切到一粒粒，唔會滑潺潺。前菜仲叫左個煎魚頭，煎得好香好脆，啲肉一啲都唔乾。個魚頭好大個，唔會淨係得啲骨同皮，有好多肉。然後主菜叫左六件握壽司同熱既天婦羅蕎麥麵。六件握壽司係廚師發板，有海膽和魚子，仲有帶子同拖羅。啲材料好足，好大份，好新鮮，一啲都唔腥。天婦羅有兩件蝦，一件冬菇（好大粒）加一片紫菜。一啲都唔粉，好鬆脆。最後，加多一份鹽燒雞翼，廚師將雞翼果兩條骨分開左，好貼心，食落好方便。調味岩岩好，唔會太咸，又唔會有雪藏味，加兩滴檸檬，好食！係銅鑼灣呢個地段，有好多日本餐廳，不過呢一間，真係值得推介。