影片
更多
2021-04-15
170 浏览
酒盜芝士. 第一次食 原來係居酒屋好common嘅開胃菜. 所謂「酒盜」係一種用高濃度的鹽醃漬海鮮內臟的發酵食品，而且使用的正是鰹魚的內臟 加上cream cheese 揸喺梳打餅上面. 我就覺得有點腥味，但同行嘅朋友就好鍾意佢那種鹹中帶少許腥味的感覺。自家製免治雞肉棒- 呢個係我去居酒店必點. 撈埋啲蛋黃食 啖啖肉中間仲會食到脆脆嘅軟骨大蔥雞肉-醬汁甜甜地個人嚟講好鐘意食大蔥,尤其係佢個蔥吸咗d醬汁食落好Juicy牛肋肉- 佢唔係個種食落口會好淋嘅牛肉反而有啲嚼勁. 食牛肉我好鍾意配海鹽. 店家好好每個枱面都會有樣細細嘅粉紅色岩鹽. 我即刻加咗枱面嘅海鹽嚟食. 另外值得一讚嘅係火候燒得啱啱 表面燒得好焦香平時唔係特別鍾意食內臟 但雞腎係比較例外 因為佢唔似其他內臟咁食落粉粉地反而好爽口煙肉荔枝卷-menu見到好覺得好新奇所以就嗌嚟試下 點知真係好有驚喜 荔枝一咬落口就爆汁好甜好juicy 同bacon係出奇地夾!!絕對推薦可以試吓白鱔 唔知點解成日都會覺得白鱔好多骨但呢個完全唔會而且個魚皮燒得非常之香口 d魚肉仲好香油脂感 唔怪得喺Menu上係店家推薦!!油揚豆皮 其實真係即刻炸
酒盜芝士. 第一次食 原來係居酒屋好common嘅開胃菜. 所謂「酒盜」係一種用高濃度的鹽醃漬海鮮內臟的發酵食品，而且使用的正是鰹魚的內臟 加上cream cheese 揸喺梳打餅上面. 我就覺得有點腥味，但同行嘅朋友就好鍾意佢那種鹹中帶少許腥味的感覺。
自家製免治雞肉棒- 呢個係我去居酒店必點. 撈埋啲蛋黃食 啖啖肉中間仲會食到脆脆嘅軟骨
大蔥雞肉-醬汁甜甜地個人嚟講好鐘意食大蔥,尤其係佢個蔥吸咗d醬汁食落好Juicy
牛肋肉- 佢唔係個種食落口會好淋嘅牛肉反而有啲嚼勁. 食牛肉我好鍾意配海鹽. 店家好好每個枱面都會有樣細細嘅粉紅色岩鹽. 我即刻加咗枱面嘅海鹽嚟食. 另外值得一讚嘅係火候燒得啱啱 表面燒得好焦香
平時唔係特別鍾意食內臟 但雞腎係比較例外 因為佢唔似其他內臟咁食落粉粉地反而好爽口
煙肉荔枝卷-menu見到好覺得好新奇所以就嗌嚟試下 點知真係好有驚喜 荔枝一咬落口就爆汁好甜好juicy 同bacon係出奇地夾!!絕對推薦可以試吓
白鱔 唔知點解成日都會覺得白鱔好多骨但呢個完全唔會而且個魚皮燒得非常之香口 d魚肉仲好香油脂感 唔怪得喺Menu上係店家推薦!!
油揚豆皮 其實真係即刻炸豆腐皮 佢本身冇乜味但配埋d豉油同姜蓉 送酒都唔錯
豚肉卷飯團-外面係薄薄嘅豬肉入邊啲飯團已經調好晒味 有蔥花同埋櫻花蝦 就算我擺咗喺度影咗一陣相入邊都仲好熱 而且個包得好紮實d 飯唔會一咬就散晒 怕齋食串燒唔夠飽嘅絕對可以叫呢個
张贴
