Daily 13 (已結業)

朋友今午在荃灣做嘢，想約我食個lunch，問我有乜好介紹？諗起半年前在工廠區食過一間樓上cafe覺得唔錯，咁就帶佢去試吓！上次我係食dinner，今次午餐有set lunch，非常抵食！我哋order咗個吞拿魚蕃茄蘑菇長通粉，長通粉上舖滿三文魚，口感好豐富美味，套餐還有前菜，是個沙律菜，好醒胃。仲散叫咗個雞翼，廚師脆炸後再加上香辣粉在上面，雞肉又鮮嫩，好食到停唔到口！記得上次食過蒲燒原條鰻魚蛋包意大利飯好好味，加$48可轉為套餐，有湯，飲品及蛋糕！所以我哋今次都叫咗一份，鰻魚好大條，肉質好juicy又冇腥味，超級好味，意大利飯用咗芝士及蛋包住，增加香味，我覺得係必食推介。櫻花龍蝦湯，蝦味濃郁又香滑。結賬都唔駛四百蚊！朋友話好抵，下次如到荃灣一定再光顧！