正 麻辣·茶·雲吞 (已結業)

呢間鋪頭之前聽朋友介紹過，有日得閒就過黎試一試！鋪頭名非常簡單直接，鋪頭重點推介麻辣，雲吞同茶，鋪頭地方唔係好大，最多我諗坐到十幾個客左右，環境都算舒服乾正！嗰日晏晝去食佢仲有個lunch set，四十幾蚊有個單餸撈麵同有野飲！小食叫左個麻辣木耳，個味道幾好，但個份量有啲少！之後叫左個芝心炸雲吞，呢個冇失望，新鮮炸起，食落趣卜卜，入面啲芝士味都好濃！主食就叫左個雞扒麻醬撈麵，都係份量少左啲！個雞扒煎得幾香幾好食！啲麻醬唔會好漏，個味唔會太濃另外跟餐佢會送酸梅湯或羅漢果茶