相馬日式火鍋 觀塘 (已結業)

同屋企人黎觀塘附近做嘢，相約喺呢間邊爐放題食晚餐。環境燈火通明令人感到舒服又安心，員工服務態度好好，令我地都覺得好窩心呀。好似好少見火鍋放題出現中式點心，有蝦餃、燒賣等等，餐廳喺呢方面都好有新意，可以同時滿足年輕人同屋企長輩嘅需求～湯底我地嗌左胡椒雞湯，濃味得黎養胃又養身，飲碗湯後成身熱辣辣，冬天飲左呢碗湯一定好舒服。海鮮、肉類都好新鮮，特別係海鮮拼盤，多選擇之餘又完全無雪味，認真抵讚！大閘蟹放題都係非常高質嘅賣點，見到唔少人為左呢個大閘蟹放題慕名而來。果然無令我失望呢，大閘蟹大隻又多膏，蟹膏夾雜住汁一齊流出黎，未開始食，淨係見到，啲口水就幾乎停唔到了，蟹味好濃，鮮香味完全喺口腔入面滿瀉，令我食完都好意猶未盡，真係要黎多幾次。