鮨瀛海 (已結業)

位於尖沙咀嘅鮨瀛海，係一間日式壽司外賣店，呢間外賣店雖然新開無耐，但都幾受人歡迎。外賣店最特別嘅地方，就係有廚師發板嘅壽司。Omakase 12貫由廚師決定既壽司令人一邊等壽司，一邊期待緊陣間有咩款式既壽司可以食。依個12貫有炭燒鰹魚，赤伊佐目，平目，劍魚腩，白玉貝等等。當中既鰹魚魚香味香濃，白玉貝味道就偏清淡，而劍魚腩既魚油香就夠曬特出。Omakase 8貫有剝皮魚，油甘魚，深海池魚，赤身等。油甘魚入口juicy，赤身肉質結實，每款魚都各有特色。左口魚邊手卷手卷既飯用上魚油同蔥等調製，一打開個包裝就聞到好香既左口魚香，配上鮮嫩既左口魚肉，真係好滿足。整體黎講，依間鋪雖然只係做外賣，但壽司既質素同款式都比得上唔少日式壽司店有餘。