翔壽司 (已結業)

日前同朋友去尖沙咀shopping， 買轉季衫褲，行街前先補充體力，我地都喜歡食壽司，揀左厚福街翔壽司食Lunch。餐廳雖然唔算大，全部座位都係Bar 枱，但坐得幾舒服。我揀左自選三色丼，自己選擇油甘魚、三文魚同甜蝦，擺盤相當吸引。油甘魚腩厚實滑嫩，油花分佈均勻，入口即融。三文魚肉厚嫩滑，新鮮有光澤。甜蝦肉質細綿，味道鮮甜。朋友想試多啲口味，就揀咗個自選壽司10件。係三十幾款壽司入面揀，非常多選擇。玉子、三文魚腩、火炙三文魚腩、油甘魚、吞拿魚、深海池魚、帶子、甜蝦、火炙左口魚邊壽司，牛油果沙律軍艦。朋友覺得壽司質素極高，好滿足。