響 - Hibiki 日本燒肉 (已結業)

一個月前買左呢度既團購，其實買團購都好怕會中伏，不過我都仍然買呢間，原因有兩個，第一係團購價錢比正價平百零蚊，但食物種類同正價一樣，而且可以燒2.5小時😀；原因二係見到呢度既食評唔差，加上新開張，環境一定乾淨。😏我同朋友六點黎到，入座率將近一半；呢度無論座位定走廊都好寬敞，地板唔跣，地方乾淨，重點係抽風做得唔錯，唔會好焗好油煙味!!🤓 裝修都唔錯，四處都掛上燈籠同櫻花，牆上更貼有日本風既牆紙，再播日本音樂，整體令人感覺舒服☺️入座無耐，職員會先送上刺身拼盤、海鮮拼盤同埋和牛拼盤，每盤賣相都好靚🤤。刺身拼盤 (內有海膽、甜蝦、三文魚、八爪魚、鯛魚、帶子、赤身)除左海膽之外，其他刺身都可以任點；海膽鮮甜😍；八爪魚唔錯，唔會似食梗香口膠；三文魚太瘦；帶子唔夠厚身；就連平時唔食既鯛魚呢度都唔錯，唔會腥!! 😮點知第二round既鯛魚就有腥味，唔敢再叫😂海鮮拼盤 (內有生蠔、帶子、鮑魚、喜之次、大蝦) 當中只有大蝦可以任點生蠔大隻又飽滿；帶子加上牛油一齊煮，吸收左牛油香味；鮑魚彈牙；😋我知道喜之次係一款日本高級既深海魚，由於脂肪豐富，肉質都較為肥美，售價仲唔平架，但估唔到呢度入座會送一條，而且都幾