花月宮 (已結業)

今晚收工去左尖沙咀金巴利道, 路經68號一間新商廈, 扶手電梯旁有個易拉架, 寫住花月客, 主打火鍋, 咁就上去2樓打個邊爐.餐廳似係新開張, 好乾淨燈光充足, 座位全數都係卡位雅座, 坐得舒服.花月宮特色四格鍋湯底 – 四格鍋有藥膳花雕花膠醉雞, 四川麻辣湯, 黑松露野菌湯, 蕃茄海鮮濃湯藥膳花雕花膠醉雞, - 超濃花雕酒味, 配上雞件, 花膠、當歸、枸杞, 真係可以當湯飲, 滋補養生, 正.四川麻辣湯 – 麻辣味豐富, 重加入鴨血, 鴨血非常嫩滑, 吸收哂麻辣湯味.黑松露野菌湯, 大量野菌放在湯底裡面, 聞到濃烈菌味, 好清香. 我用呢個湯底去煮油麥菜, 會將油麥菜鮮味更加提昇.蕃茄海鮮濃湯, 有鮮蝦、青口, 薯仔, 蕃茄香甜.4格鍋湯底材料豐富, 只係食材料都飽左一半.美國頂級手切封門柳 – 份量十足, 牛味濃, 有咬口, 質感豐富.風花雪月餃子拚盤 – 12粒大大隻嘅餃子, 用一個好靚嘅木架放上去, 睇得又食得, 正. 餃子每款材料都好滿足, 有黑松露餃, 鮮菜餃等等.