餐牌嘅選擇都幾多，除咗有主打嘅和風御膳，仲有各種拉麵、意粉、定食、鍋物等等，前菜同埋小食嘅種類都非常多，選擇困難症嘅蕃薯妹表示咩都想試吓🤣
=和風御膳=
睇Menu見倒和風御膳就好似去日本食嘅會席料理簡約版，由小碟嘅前菜、漬物、小吃、味噌湯、米飯同埋主食組成，好豐富🥰
比目魚柚庵燒御膳 $128⭐️推薦👍🏻
所有小碟我都覺得好好味，其中最驚喜嘅係其中一碟係類似關東煮牛腩&芋絲，牛腩好淋口感好好；另外鰻魚青瓜嘅口感係比較爽脆，酸酸哋咁都好好味；仲有溫泉蛋🥰 全部都係蕃薯至愛💜
主食係兩大片厚厚嘅燒比目魚，魚肉嘅質地好嫩滑入口溶化🤤 有淡淡嘅柚子清新香味，好好味🤤🤤🤤
味噌湯入面有兩隻鮮甜大蜆🤤 唔係蜆肉！係真係新鮮嘅蜆！🤤 成個御膳真係好高質，真心推薦🤩
燒喜之次御膳 $158⭐️推薦👍🏻
另一個御膳嘅主食係燒喜之次，平時響餐廳食喜之次呢種魚價錢都唔平，無諗過呢度條魚都幾大條，而且亦係魚肉非常嫩滑，唔會煎到乾曬，口感好好，配搭嘅醬汁亦都係有淡淡嘅柚子味好清新好好味😋
其他嘅小碟兩個御膳係一樣，好豐富，大滿足🥰
自家製牡蠣餃子 $68第一次食用蠔嚟做餡料嘅餃子，內餡係蠔肉撈埋豬肉碎同菜，外皮煎得香脆入面juicy，啖啖好香嘅蠔味，幾好食😋
涼拌紋甲墨魚 $58厚身又爽實嘅墨魚前菜，份量都好足👍🏻 唔錯。
和歌山水果茶王(凍) $38見到幅相都覺得好吸引，好多水果，飲落去酸酸甜甜幾清新，啲水果都幾甜幾好食😋
西柚玫瑰花果茶(熱) $48冬天飲呢個就最適合不過，佢係連埋茶壺同燭台上檯，一路熱住壺花茶，味道有淡淡的玫瑰花味，西柚味反而唔係好重。
其實如果比較細食，淨係食御膳已經好飽😂我哋兩個人係食唔晒啲嘢嘅……
高質平民價錢，一定會再翻嚟幫襯😋👍🏻👍🏻
