一鍋堂 (XX Arcade) (已結業)

我最愛打邊爐，一年四季都啱，今次黎左一鍋堂，地方夠哂大，亦有好多大家至愛嘅卡位，可以放好多食物🤭自助區域同樣可以自取火鍋配料、蔬菜、熟食、雪糕、飲品等。我最愛呢度嘅玫瑰花黑枸杞茶同洛神花茶，酸酸甜甜好解膩😌湯底有成16款選擇！揀左養生藥膳湯～藥材味好香又唔會苦😃用呢個湯底打邊爐即時覺得健康左😂揀咗最豐富嘅C餐 可以食勻日本和牛、安格斯牛、另外亦有較特別嘅牛肉口味～花雕浸安格斯牛肉、魔鬼辣安格斯牛肉等。仲有北海道豚肉～重點係放題任食120分鐘😍海鮮都有好多選擇：生猛海蝦、手切白鱔片、脆骨鲩、半殼帆立貝、珍珠貝、沙白蜆等等其他火鍋料都好高質，自家製鮮蝦雲吞、蟹籽手打墨魚滑都做得好有水準！我至愛食佢地嘅胡椒麵，煙煙韌韌好彈牙，每次嚟都必點最後仲有乳酪雪糕🍦任食，每次都有唔同口味，仲有好多配料俾你，包你飽到捧住個肚返屋企😆😆😆