OPPA韓國燒肉店 (已結業)

已經好耐無食過韓燒，今次終於可以食番夠本，朋友帶咗我去佢屋企附近嘅oppa燒肉店，佢哋有兩個價錢，咁耐冇食梗係要食盡佢。佢地會先送上一個海鮮同和牛拼盤，之後就可以任食其他野食，海鮮方面我最鍾意嘅係鮑魚，夠曬彈牙爽口，而和牛方面醃製左嘅牛肋骨最岩我，甜甜地但又唔會蓋過牛味。佢地任食嘅種類有好多，除左燒肉之外，仲有前菜、小食、鍋物等等都係任食，最開心可以任食爐邊蛋同牛油粟米。飲品嘅種類都唔少，有汽水同茶類，仲有一d韓國嘅飲品可以試下？