桔梗 (已結業)

踏入冬季，桔梗最近推出左一個新嘅和牛壽喜燒套餐，價錢$638，唔算好貴，值得一試。我哋今次叫咗set B，有150g日本A4黑毛和牛同埋100g澳洲M8和牛三角，兩款牛肉脂肪分布都幾平均，日本嗰隻嘅脂肪稍為多少少，澳洲嗰隻就多啲筋。開頭先炒香洋蔥同埋京蔥，之後就可以開始燒。燒嘅時候每邊大概煎30秒，濺到半熟就可以點埋蛋漿撈飯食。個人應為日本嗰隻牛肉比較軟身，油脂味好香。食起上嚟日本嗰隻就有啲咬口，牛味都好重。呢個套餐入邊白飯係仼裝，而白飯上面配上飯素，所以食起上黎口感更加豐富。蔬菜盤份量好多，兩個人食好夠飽。呢個質素嘅牛肉同其他食物嘅份量，六百幾蚊又唔算貴。