華小料理屋 (已結業)

最近同朋友去咗呢間位於銅鑼灣擁有10年歷史關西壽喜燒專門店「華小料理屋」主打日本和牛壽喜燒、涮涮鍋及日式蒸籠料理。店內環境以傳統日式木系設計，座位舒適寬敞，仲有獨立包廂榻榻米房間，適合一班朋友聚會。我哋揀咗壽喜燒🔥套餐包含和牛、前菜精品盛、野菜拼盤、讚岐烏冬/飯同甜品。❀壽喜燒A3 和牛 $588/位➺前菜精品盛：水雲~海藻,味道酸酸微微，好開胃。醬油漬生蠔~肥味鮮甜。牛肉他他~完全無腥味，牛味香濃，口感好滑。➺全程有店員會幫你煮，而且店員好細心會根據客人要求，控制牛肉熟度、調制醬汁濃度。🔥壽喜燒吃法一菜一牛輪流吃，先上洋蔥開始…炒香、再加入香菇同大蔥，之後係主角A3和牛，薄切大大塊。A3和牛雪花紋好靚，粉粉嫰嫰，油脂好豐富，牛味香濃，和牛入口即溶，沾上生雞蛋一齊食更加嫰滑。接下來煮芋絲同高麗菜，再上一塊和牛。然後金菇同燒豆腐，再另一塊A3和牛，最後炒烏冬，烏冬吸收哂壽喜燒醬汁，非常入味，入口好滑溜！❀ 松葉蟹腳 $118啖啖肉，肉質鮮甜美味❀北海道牛乳布丁牛乳味香濃，口感滑溜。