六両三.台灣食堂 (已結業)

話說兩點幾今日經過觀塘工業區想搵嘢食，OpenRice 見到一間台灣牛肉麵，就過咗去食。佢哋點都好方便，喺apm後面嗰條街過少少就到啦。入面環境非常闊落同埋寬敞，同埋可能因為剛剛過咗午飯時間嘅關係，都唔係太多人坐得好舒服，我點咗個紅燒牛筋牛肉麵。紅燒牛肉麵就先當然要講下個麵底，佢彈牙有咬口，唔會好似其他地方咁煮得太耐淋曬或者中間未煮熟。我個人本身對味精好敏感，如果好似譚X咁落重味精，我食完一定會好口乾。但係呢碗湯我飲曬支如冇口乾嘅感覺而且每一啖都有好香濃嘅肉味，可見佢真係真材實料。跟住就係個主菜牛肉牛腩，睇相見到以為佢個牛肉係超級市場嗰啲牛展，點知一放入口完全係另一回事。有好香濃嘅肉味之餘，口感好淋，就係唔使點用力咬都可以食到嗰隻感覺。牛肉都咁出色咁牛筋更加唔洗講，即情入口即溶，食完係完全唔捨得飲水沖走嗰陣味。唯一美中不足係湯底上面嗰浸辣油，開頭嗰幾啖會搶咗啲未。總體而言85蚊一碗物有所值。