牛品台式火鍋

营业中

休息中

🏠 香港人不嬲都中意一家大細或者約埋幾個朋友一齊圍爐烚吓烚吓打邊爐，而近年台式火鍋係香港大行其道，今日晚餐我就揀左九龍尖沙咀一間人氣台式火鍋放題店 - 牛品台式火鍋。入場時我地先選定”牛御品吃到飽套餐”，湯底就揀左店員推介嘅夏季限定供應嘅”蟲草花白玉藏珍鍋”食物方面餐廳都提供左唔少嘅肉類選擇，例如頂級美國肩胛肉，美國封門柳，美國牛小排，一口和牛，西班牙栗飼豬梅肉，西班牙栗餇豬五花等。而我覺得幾特別嘅係佢仲提供超多種類嘅台灣直送火鍋配料小食，例如牛品牛三寶，炸花枝丸，麻辣鴨血，水蓮菜，蛋餃，皮蛋豆腐等而且套餐仲包埋可以任飲多款自家製嘅飲品，例如冷泡茶。💬 整體上餐廳嘅食物質素十分唔錯，而且食得出佢哋係湯底上落左唔少心機同預幾有特色。未有時間出國旅行而又想試吓地道台式火鍋嘅朋友仔一定要黎試下。