Walter Bistro (智選假日酒店) (已結業)

之前來吃過這間覺得好抵食，所以當我和朋友想食半自助餐就想起這間餐廳，來到八點都不少人食緊，今次就沒有可以出去取海鮮，但就有海鮮拼盤，都十分方便，我們一人一個餐，首先來的是併盤，生蠔好新鮮鮮甜，龍蝦爽口，螺夠彈牙，仲有凍蝦蟹…全部的質素都十分高又新鮮。刺身都十分新鮮，食完這個款都十分滿足。壽司有5款，份量真的有驚喜。仲可以在外面取不同食物，燉湯夠濃味又香，忍不住飲了3碗湯，熱食都有幾款，仲有湯律同飲品。主菜當食完頭盤後再約十五分鐘就來到，西班牙黑毛豬扒配普羅旺斯雜燴，切好晒十分窩心，好淋豬肉味濃，雜菜燴好入味帶點煙肉香。烤牛柳配新鮮時蔬，牛柳好軟熟而且肉味十足，不會因為太厚而好難咬，煮得十分好，醬汁濃又惹味，薯蓉好滑又香，不錯保持到水準。最後再出去取甜品，選擇都不少，凍熱都有每款食了一點，食完仲有一人一杯雪糕。