大喜屋

营业中

休息中

之前見朋友到大喜屋食放題，好吸引，然後朋友就話，不如我地一齊去啦。睇一睇，沙田大喜屋好就腳，一於就簡佢。平日黎到，無耐就可以入座。大喜屋刺身相信唔洗多講，一定要叫啦，所以今次想由熟食開始講起。呢個花膠雞湯好養生，絕對唔會HEA你，入面啖啖湯都有花膠、雞肉、翅，好有骨膠原。因為係二人份量，所以都好多，如果4人SHARE就更好啦。鰻魚壽司好正，另外如果鐘意鰻魚可以直接叫燒鰻魚，好好味。鵝肝帶子壽司 都係我既推介列表入面，鵝肝既油燒完之後流入帶子刺身，勁正。想食海膽就要簡呢個海膽山，一口咬落去，好有鮮味。燒雞軟骨係食串燒必點，新鮮炸起，不得了呢。芝麻雞翼、吉列炸蠔、炸牛奶粒都係即炸，炸皮薄，又香脆。蟹三味係其中一款我最鐘意既壽司，蟹肉、蟹膏、蟹籽 放埋一齊，食落去，所有蟹既鮮味好有層次咁走出黎，即時落ORDER要多件。終於到刺身喇。件件都咁新鮮厚身，首推三文魚同赤貝，三文魚好肥美，赤貝好甜。最後係燒菠蘿，超甜又多汁，作為結尾一流呢。放題期間可以隨時去水吧自由拎、簡野飲，有茶有汽水有酒。另外仲有熟食、湯、甜品、糕點。食完好開心，同個FD講下次要再黎過！