翔壽司 (已結業)

同姐姐二人好耐冇食壽司了，朋友介紹翔壽司而家唔使 book 枱等一陣就有位啦。壽司店面積不大，太約可以同時招待十位客人，都係bar 台設計，好過同區既立食壽司，一黎有位坐，二來食品質素真的比較好。頭一round 點左火炙類既壽司，有我最中意既拖羅，平時食已經好肥美，而家燒一燒啲魚油味道更濃郁。 第二至愛就係左口魚邊同三文魚，排名不分先後，又係一定要火炙，新鮮甘香。姐姐就食帶子同鯛魚，佢都話夠鮮甜!之後上個吞拿魚蓉三文魚子海膽杯，邪惡既組合丫! 其實見到呢個配搭都知冇得輸，口感味道都非常豐富，滿口咸鮮，而且欣賞壽司飯夠結實，唔會一粒粒散開。最後一輪壽司，我哋揀左啲推介款式，鹿兒島鰤魚，鯖魚，金目鯛，魚味濃淡都有，最好最後先食鯖魚因為魚味好重，油脂豐富。鯛同鰤魚口感比較似，肉質彈牙。食埋鮮甜既蝦就用清新既牛油果壽司作結。完美的一頓晚餐，厚福街的食肆總是滿足到我們的胃口。