一哥點故 (已結業)

入馬場之前諗住附近搵間餐廳醫肚，開Openrice就搵到依間評價幾高既點心！依度既點心比較Fusion，有懷舊有創新既，懷舊既嗌左牛柏葉、金錢肚、小籠包等等，全部食落都幾有水準。創新既嗌左千島醬脆皮蘿蔔糕同啤梨鳳梨菓，估唔到蘿蔔糕哥以咁玩，香口得黎再加埋千島醬，好Match！啤梨鳳梨菓就好似咸水角入面包住啤梨鳳梨蓉，食落唔油清清地，但味道就單調少少。依度既鳳爪排骨飯比較特別同大份，係荷葉包住連埋蒸籠上，一打開聞落有少少荷葉香，食落就無乜，咬落飯粒分明，排骨同鳳爪亦醃得入味，咁大籠只係賣$38，確係抵食！