壽司盛 (已結業)

太子好多潮流美食，本身由花園街行去旺中，經過見到呢間好搶眼既壽司店，環境簡約乾淨，店舖主打外賣，但店面都有幾個座位可以坐係度食。店中有好多選擇，有刺身、壽司、丼飯、手卷等，師傅仲即叫即做❤️我點選左幾樣即刻食🤭自選十貫壽司盛合 $238有18款壽司可以揀☺️我選左海膽、三文魚子、香蔥拖羅蓉、松葉蟹肉、本鮪拖羅、帆立貝、鱆紅魚、油甘魚、深海池魚、火灸左口魚裙邊現場睇住師傅整壽司，好似食緊omakase咁，好治癒。每款魚生都新鮮美味，厚切足料，價格親民，性價比高。磯煮鮑魚 $48鮑魚既鮮甜口感，咬下去好有彈性，鮮嫩多汁，而且店家自家製醬汁鮮甜香濃，就好似濃郁的湯汁裹住鮑魚。本鮪拖羅刺身 $78拖羅新鮮鮮味又帶魚油香，口感豐富，一入口就有滿滿的油花感。深海池魚壽司 $16肉質鮮嫩肥美，脂厚油香，入口魚油甘香細膩。