一方堂居酒屋

营业中

休息中

今日午餐去左厚福街搵食，見到一方堂係到派傳單，好似唔錯，又係我家鄉菜（日本菜）😂，其中一個最愛，於是上左去食。餐廳以木色為主調，裝橫如日本餐廳居酒屋無疑，非常適合打咭。我同朋友叫左兩個午餐定食，刺身定食同網燒安格斯牛扒定食，加左個味噌牛舌小食同兩杯特飲。刺身定食刺身有海膽、吞拿魚、油甘魚、帶子、甜蝦、鯛魚，刺身種類多，而且新鮮同鮮甜。另外，定食附送一個麵豉湯及沙律，沙律配上酸味味柚子醋，非常之開胃。網燒安格斯牛扒定安格斯牛扒牛肉味重，外面燒到有焦香味，配上燒汁，好好食。兩杯特飲分別係海量巨峰乳酸梳打及海量藍桔雜果乳酸梳打，兩杯嘢飲都很清爽，而且非常之大杯，上面佈滿了忌廉，外型非常之好睇，絕對係打卡之選。