古琴雅苑 (太子集團中心)

营业中

休息中

今日放假係i square做完facial行埋街，肚仔餓了，便同老公仔女揾野食，突然好想食片皮鴨，上openrice搜尋吓見到古琴雅苑，名字很優雅，便打去book位兼問鴨需唔需要訂？好彩係即叫即燒的。上到去侍應問我們今個月份有冇人生日，如12歲以下生日因佢地公司週年紀念有隻得意可愛鴨仔送出，12歲以上的有一客鮑魚帶子扣花菇送，yeah我老公係11月生日，免費享用了優惠。首先一定要點招牌菜烤北京填鴨全隻$338,有位正宗北京師傅在我們面前細切鴨皮讓我們品嚐，好專業，片出薄薄的鴨皮之外還有一小塊的鴨皮酥，入口即溶，甘香味美。無錫脆鱔$88香脆可口，食過不停，可作餐前小吃。花雕醉雞$79酒味芳香但又不會蓋過鷄本身的味道。風味松子魚$238酸酸甜甜啖啖肉，挺開胃，很適合男女老少吃。金腿濃湯津白$84金華火腿甘香味浸透入津白內，特別清甜。最後甜品選擇了腰果露和紫米露，很少地方有這種甜品，生磨即製，吃後感覺很滋保養生。