燒鬼 (已結業)

疫情蔓延，無得去日本食燒肉，唯有留港消費，解下思鄉之苦！由於好少在香港食燒肉，眼見個個都食某連鎖集團的燒肉，我哋就比較想試新野。呢間燒鬼之前見到各大媒體都有介紹過，價錢同食物質數都吸引，所以就黎試啦！試之前都有睇過好多comment 話佢地抽風系統好差，咁我以為係因為大家都食中場或夜場所以有呢個感覺，因為我地食5:30早場，一入到去已經有幾枱開始食，又唔覺得好誇張，但食食下就見到煙霧彌漫，如入仙境般🤣但食燒肉就預咗有味，我又唔覺得係咩問題！反而食物質數方面，開頭送的吞拿魚鍋爐我覺得麻麻，第一鍋巴唔脆，夾埋吞拿魚蓉無調味下我只覺得腥味濃另外，送的和牛拼盤真有啲失望，都無牛味，純咬脂肪的感覺，同埋唔同部位的肉質都好似差不多，根本分唔到自己食緊咩部位！但本身放題的肉係採取美國牛肉，牛味同肉質都好好，唔覺得係平野，用呢個價錢有呢個質素係有驚喜！我皮膚唔太好，少食牛，佢的豬同雞肉都同樣出色，雞肉好滑，調味剛好！不過唯一要彈的就係服務態度，起初員工都好熱情招待，但我地用夾在爐上面燒緊的時候，突然有個員工無聲無息地將抽風個罩放拉落黎，我地當場呆左，你要拉都可以出聲，又或者等我夾完先拉拉完都唔講，直接