一鍋堂 (大鴻輝(荃灣)中心) (已搬遷) 新店位置

平時對於限時任食作招徠的餐廳都興趣不大，通常食物質素都好一般，但一鍋堂又顛覆左我對任食的看法。 知道餐廳長期爆滿，所以提早book左檯，去到門口大排長龍，我哋就即刻有位🤣潮汕湯 雖然朋友一開始想食辣，但我又想清淡啲，於是餐廳職員就推介左潮汕湯底，湯底材料種類好多，有大地魚、蝦米、咸菜、豆卜等等，湯底好濃郁，食完第二日又唔會有負擔😂我哋揀左安格斯牛套餐，肉的種類選擇都唔少，有安格斯、封門柳、牛舌等等，食物細細份，食完可以再點，又新鮮又唔會浪費。重點係食物好高質素，完全唔會hea你。😋 除左牛肉encore左好多次外，不得不讚羊肉都非常之出色，好新鮮好嫩滑，鍾意食羊的朋友一定要試。🤤花膠都非常之大件厚身！！！相當震驚除左打邊爐食材外，餐廳都準備左好多前菜小食，涼拌秋葵好好食！用左花椒麻油調味，相當香口開胃😋掛住食好多菜式都忘記左影相整體來講，相當滿意。