影片
更多
2021-04-20
238 浏览
-味道樂居酒屋位於尖沙咀河內道，正正係K-11商場對面。呢間餐廳充滿日本懷舊復古風味，令人彷似置身係日本🇯🇵咁。-見到幾乎每枱客人都會叫原條成田醬炭火燒鰻魚飯，相信應該係呢間餐廳必叫既招牌鰻魚飯。-好奇之下，我地都叫左呢款巨大化鰻魚飯。果然上枱既時候，鰻魚尺寸名副其實，視覺效果非常衝擊😍，外貌都非常吸引。-呢款咁震撼既鰻魚飯味道甜甜地，有濃濃既鰻魚汁，而且有少許炭烤味。口感方面，因為呢款鰻魚並非一般廉價星鰻，而係真真正正既貴價鰻魚，所以食落好厚身，啖啖都係肉，連埋底下既日本米🍚食，配合得天衣無縫。-小食方面，我地叫左七味唐揚魷魚鬚🦑。呢款唐揚魷魚鬚表面有滿滿既七味粉同椒鹽，食落非常香脆可口，用黎送酒🍶一流！但今次我地無飲酒，反而飲左店鋪送上既茶🍵，佢地既茶亦非常清香解膩，飲完全身暖笠笠🥰！-至於鐵板牛油煎黑松露帆立貝，未食之前黑松露同牛油味已經撲鼻而黎。加上鐵板熱辣辣咁上，帆立貝表面有啲香脆，而底下既菇🍄亦已經吸收哂所有精華。大大粒既帆立貝食落好有黑松露味，而且好有彈性，海鮮甜味同黑松露味加埋好有層次感。-脆炸軟殼蟹🦀反卷方面，軟殼蟹仍然脆口，配搭蛋黃醬🥚同蟹子，食落唔會油膩，配搭Ba
-見到幾乎每枱客人都會叫原條成田醬炭火燒鰻魚飯，相信應該係呢間餐廳必叫既招牌鰻魚飯。
-好奇之下，我地都叫左呢款巨大化鰻魚飯。果然上枱既時候，鰻魚尺寸名副其實，視覺效果非常衝擊😍，外貌都非常吸引。
-呢款咁震撼既鰻魚飯味道甜甜地，有濃濃既鰻魚汁，而且有少許炭烤味。口感方面，因為呢款鰻魚並非一般廉價星鰻，而係真真正正既貴價鰻魚，所以食落好厚身，啖啖都係肉，連埋底下既日本米🍚食，配合得天衣無縫。
-小食方面，我地叫左七味唐揚魷魚鬚🦑。呢款唐揚魷魚鬚表面有滿滿既七味粉同椒鹽，食落非常香脆可口，用黎送酒🍶一流！但今次我地無飲酒，反而飲左店鋪送上既茶🍵，佢地既茶亦非常清香解膩，飲完全身暖笠笠🥰！
-至於鐵板牛油煎黑松露帆立貝，未食之前黑松露同牛油味已經撲鼻而黎。加上鐵板熱辣辣咁上，帆立貝表面有啲香脆，而底下既菇🍄亦已經吸收哂所有精華。大大粒既帆立貝食落好有黑松露味，而且好有彈性，海鮮甜味同黑松露味加埋好有層次感。
-脆炸軟殼蟹🦀反卷方面，軟殼蟹仍然脆口，配搭蛋黃醬🥚同蟹子，食落唔會油膩，配搭Balance得好好，非常適合香港人。
-而美國牛柳粒溏心蛋石鍋飯🐮，表面溏心蛋係非常吸引既日落橙色，食落係日式味淋醬油味。呢個飯有大量炸蒜，配搭牛柳粒有少少黑椒味，非常合拍。牛柳粒既油香味滲哂落底層既飯，全部撈埋食，真係可以食到幾碗。
-P.S 現時係任何時段惠顧，收藏味道樂既OpenRice❤️同Like👍🏻佢地社交平台專頁，就可以獲贈黑松露日式溏心蛋一客。
张贴
