大勝丼 (已結業)

又到搵食時間！打開個良心地圖！咁啱喺信和附近行緊，這是緣份！上到去有洗手液係cashier 附近，如此貼心抵讚！睇一睇個Menu先！想食魚生丼飯又有，日牛丼飯又有，自選都有！睇到人哋眼花撩亂！朋友揀咗個鯖魚丼，我自己就揀咗個炸雞丼，講一講朋友嗰個先，成條鯖魚燒得好平均，外皮好香口好脆，入邊仲好juicy, 有驚喜！我嗰個炸雞一嚟到個個都望住，點解？因為好大碗！我哋兩個女仔食完之後，都攬住個肚！同埋因為佢係即叫即整嘅關係，要預留番啲時間等，但絕對值得！佢個雞皮又唔會炸得太乾，裏面d肉又唔會好肥，仲有Wasabi同埋bb沙律醬，點下又會唔同味！仲有隻溫泉蛋添！而且呢餐飯食得好開心，因為講嘢大家都唔使就住就住！上得來嘅大家都係同路人！你懂的！