芝加哥串燒酒場 (太和中心)

营业中

休息中

食物同飲品嘅種類繁多，淨係串燒既款式都已經有唔少，有獨特嘅8%啤酒俾你選擇，如果唔想飲啤酒，佢嘅亦有紅酒白酒或者cocktail，我哋琴晚就叫左兩杯cocktail，一杯係mojito另杯係sex on the beach，mojito調教得非常之好，感覺清新，而且又唔會太過重酒味，而sex on the beach，味道唔會太甜，酒既濃度適中，顏色方面，紅色有著夏天嘅感覺，我哋叫咗好多唔同嘅串燒，同埋一個主食燒宮崎雞腿扒珍珠飯，呢個飯，雞扒燒得非常出色，雞皮燒得啱啱好，脆卜卜又有香味，雞腿肉非常嫩滑，啖啖肉再配埋珍珠飯，煙煙韌韌非常好食，至於串燒，有幾款我好鍾意，例如佢嘅香蒜燒鮮鮑魚同埋招牌珍寶生蠔串，鮑魚非常新鮮，再有香蒜嘅味道，帶出咗鮑魚嘅鮮味，而生蠔燒完之後亦有啖啖海水味，就知佢用既生蠔非常新鮮，另外燒雞泡魚乾，拎嚟送酒一流，佢嘅雞翼亦燒得非常出色，其中我最鍾意係佢嘅水牛城雞翼，辣辣地非常惹味，燒蔬菜方面，佢哋燒韭菜，燒得非常香，再加少少辣粉係上面，直頭又香又好食，整體來講，呢間酒吧餐廳簡單就係飲酒吹水既好地方，約埋幾個fd係到食餐廳一定係唔錯嘅選擇。