影片
更多
2025-06-28
40 浏览
🍽️人生有限杯l串燒店📍地址：尖沙咀赫德道4號The Hart 3樓呢排好似真係愛上串燒，不過！今次真係我食過最好食，最不得了嘅日式串燒店，成個店面設計勁新正又舒服，坐吧檯望住師傅即場燒烤都唔覺得熱或者焗，成間店嘅裝修俾人一種去咗銀座高級串燒店嘅感覺！啲店員都係年輕人好有活力！因為價錢好抵，所以咩都食下，串燒主要分咗三個價錢，食咗雞腿串、豬肋肉串、五花腩串、牛舌、串鵪鶉蛋卷，望住師傅精準控火，外皮燒到金黃色，上餸速度都係維持5分鐘一份，材料都好鬼新鮮，每啖都有油脂滲出來，食肉獸真係滿足到不得了。小食方面，價錢好多都係70蚊左右，其中蟹粉豆腐真係必推！好似話係呢間分店特有，金黃色蟹粉淋喺豆腐上邊，仲有好大粒蟹肉，豆腐外脆裏嫩，賣相滿分！仲落咗蒜蓉燒蠔，大隻到不可思議！揭開隻蠔殼底仲好熱辣辣，諗起都仲流口水。有個都係新分店限定嘅墨魚滑大蝦真係呢餐飯最驚喜，薄身脆口嘅紫菜包住彈牙墨魚滑，成隻大蝦切做幾塊上，大人細路都會好中意！點埋蛋黃醬一流！流心蛋薯仔沙律同明太子忌廉烏冬呢啲就適合當主食，不過其實齋小食同串燒已經好夠飽，不過見到人哋檯有，靚到不得了，忍唔住又想試下。整體嚟講，食之前真係冇諗到呢
📍地址：尖沙咀赫德道4號The Hart 3樓
呢排好似真係愛上串燒，不過！今次真係我食過最好食，最不得了嘅日式串燒店，成個店面設計勁新正又舒服，坐吧檯望住師傅即場燒烤都唔覺得熱或者焗，成間店嘅裝修俾人一種去咗銀座高級串燒店嘅感覺！啲店員都係年輕人好有活力！
因為價錢好抵，所以咩都食下，串燒主要分咗三個價錢，食咗雞腿串、豬肋肉串、五花腩串、牛舌、串鵪鶉蛋卷，望住師傅精準控火，外皮燒到金黃色，上餸速度都係維持5分鐘一份，材料都好鬼新鮮，每啖都有油脂滲出來，食肉獸真係滿足到不得了。
小食方面，價錢好多都係70蚊左右，其中蟹粉豆腐真係必推！好似話係呢間分店特有，金黃色蟹粉淋喺豆腐上邊，仲有好大粒蟹肉，豆腐外脆裏嫩，賣相滿分！仲落咗蒜蓉燒蠔，大隻到不可思議！揭開隻蠔殼底仲好熱辣辣，諗起都仲流口水。
有個都係新分店限定嘅墨魚滑大蝦真係呢餐飯最驚喜，薄身脆口嘅紫菜包住彈牙墨魚滑，成隻大蝦切做幾塊上，大人細路都會好中意！點埋蛋黃醬一流！
流心蛋薯仔沙律同明太子忌廉烏冬呢啲就適合當主食，不過其實齋小食同串燒已經好夠飽，不過見到人哋檯有，靚到不得了，忍唔住又想試下。
整體嚟講，食之前真係冇諗到呢個價錢可以有呢個質素，以後尖沙咀食飯多咗呢個優質選擇，不過要book定位就真！7點未到就已經full曬，店主都真係好有野心，價錢咁親民，一定長做長有。
张贴
