茶東西

营业中

休息中

呢間茶餐廳平時經過都見經常大排長龍，今日行過見到下午茶餐都幾多選擇，又吾太多人排隊，所以就趁會試下！芝士安格斯牛肉漢堡漢堡份量十足，除漢堡排外，仲有番茄、生菜同芝土，漢堡排好厚又大塊，味道吾會太咸，肉質軟腍同埋幾juicy，麵包夠鬆軟，加上有微微烘過，食落好香口。後來先發現雙層只係相差$10，真係好抵食呢！茶餐另加$10可以追加輕量裝食物，我加左和風沙律，可以均衡飲食。藍芝士腐乳醬炸雞髀藍芝士mix腐乳又幾特別，所以就叫黎試下。店員一放低既時候，傳來一陣臭臭地既味道，我仲以為伏左添，點知食落又幾好味喎，幾香芝士味、咸咸地咁，但腐乳味就吾係太出，雞髀肉質嫩滑，外皮炸得香脆，控制火喉剛好。薯條份量都幾多，吾會炸到好燶，外酥內軟。另加$10加配北海道薯仔沙律，比北海道三隻字吸引左，但其實就係普通茶餐廳常見既沙律。