豫園 (已搬遷) 新店位置

今晚同D同事去左位於銅鑼灣V Point 的豫園~裝修靚，環境舒服，店員禮貌好又勤力，得到米芝蓮的推介，係實至名歸。雞絲拌粉皮食上海菜我次次都一定要食雞絲粉皮，好香濃的麻醬，粉皮晶瑩，份量都唔少，好惹味的小食。龍鬚鮮魚絲食魚驚骨的人一定鍾意依個菜，魚味鮮香，魚絲切得幼細，有咬口，又滑，仲有D芽菜，又睇得又食得，係一個好出色的菜式。醃篤鮮未食之前我都未聽過依個菜，原來係用冬筍、鹹肉、豆腐皮結和鮮豬肉等材料燉的湯，無味精，健康又鮮甜，仲好足料，飲左2碗。餐廳環境一流，服務周到，食物精緻美味，高尚食府~