酒鍋 (天文臺道) (已結業)

成日都聽朋友講酒窩好食，嚟到尖沙咀見到佢午市做緊任飲任食，一於同朋友試吓😍火鍋湯底加多$80 升級自選喇沙海鮮、黃金美人、酸菜白肉、台式麻辣湯底喇沙海鮮夠晒嘢味，美人鍋原來選取白胡椒同埋雞肉花膠美顏滋陰，台式麻辣我揀咗小辣，辣椒🌶️同花招好香濃仲有少麻，香辣得來刺激味蕾，仲有酸菜白肉鹹鹹酸酸湯底夠清甜✨❤️Order咗個台灣吃到飽任食90分鐘 $178/每位，任食超過30款，有特別自製照燒醬爆貢丸、台式蜂巢豆腐、包心丸丶流心粟米丸丶萵筍、台灣香腸等等😍肉丸自製所以比較新鮮同埋非常彈牙，萵筍比較爽口清甜而$178仲可以任食美國特選牛肩胛、日本黑毛豬腩肉、走地雞脾肉同埋台灣空運鴨血，呢個價錢梗係非常之抵🤩台灣空運鴨血口感好滑結實夠晒新鮮，牛肩胛牛肉味濃郁好腍，黑毛豬腩肉夠晒Juicy爽口，走地雞比較滑😀另外仲有台式小食鹽酥雞、炸雞皮、老玉、臭豆腐、蚵仔餅等都係任食架❤️😋飲品都係有任飲竹蔗茅根、羅漢果菊花茶、黑糖珍珠奶茶、紫貝天葵、雪梨雪耳杞子茶，每一款清甜可口解渴😍