信興酒樓 (已結業)

深水埗要找上一间食两三小时都唔会赶你走的食肆，非呢一间莫属! 以前无数次经过都冇想过入去食野，偏偏有次想找个吹水地方，3条麻甩去完高登鸭记逛完街，好味大排档要去到近石峡尾，火锅去得多都闷，现时它已经成为我们晚上常去的食堂。是晚星期五，敢说周围都咁多人等位，个个趁weekend出动约人食饭。难得呢度有位唔驶等。环璄卫生系会给人唔清洁和混杂，始终平民食肆，所以我地以前都唔考虑，麻甩有咩接受唔到，试过就喜欢。那里分两部份，近门口部份，是搭台区，忘记还有咩分别。入内系晚饭区，地方座位十分阔落。只有一位女待应招呼，自带红酒不收服务费(赞)，唔好接受她推介的晚饭套餐(选煎/蒸条鱼+2/3/4款指定小菜)，细碟份量少，小菜款式唔多，相对价钱唔抵。反而自已点菜，还有SO，价钱有$40-80不等，算大碟，味道和烹调OK，出菜时间约15分钟。