欣圖軒 (已結業)

藉住慶祝紀念日選擇左中午去欣圖軒飲茶夜晚去天龍軒食晚飯，去到門口接待處已經感覺得到有一種氣派，好多職員招呼，我哋安排坐窗口位，我哋之前打電話訂位時同佢講咗因為有個特別紀念慶祝，所以睇吓座位上面嘅安排可唔可以靠窗，兩個人食嘢，點心又唔可以食到太多，我哋叫咗幾樣點心，有蝦餃，明蝦角，义燒包，春卷，花膠竹笙灌湯餃，糖水，個蝦餃唔花巧唔會有裝飾我哋會覺得好奇怪咗少少，諗住咁高級嘅地方都會有啲嘢整色整水啦，花膠竹笙灌湯餃，令我最難忘嘅除咗價錢$17x一位之外，個湯好鮮甜好純好舒服好高層次，竹笙好厚身好爽口，舔晒脷，上糖水嘅時候職員送上小小驚喜比我，送咗幾件小糕點比我哋，又用即影即有相機幫我哋影相，無諗到飲茶都會有一種咁特別嘅安排，所以有啲喜出望外，同另一個職員傾開計，佢問我哋點解今晚唔喺度食飯慶祝，我哋話我哋天龍軒食，佢都介紹咗有幾間飲茶同埋食飯嘅好地方比我哋，等儲到錢先再嚟食晚飯。