尚鮮海鮮料理

营业中

休息中

同同事傾開偈，發現佢都係打邊爐狂熱者！嗱嗱臨約佢放工一齊去搵好嘢食！我哋上網見到呢間火鍋店嘅海鮮勁吸引，就即刻book枱嚟嘆返餐了！環境好有格調，店員好好服務，我哋又想食得惹味，但又驚太燥，就揀咗鴛鴦鍋！一邊係清熱冬瓜、另外一邊係惹味冬陰功，一上枱就香到令我哋流晒口水！打邊爐首先要食個靚牛！叫咗個手切安格斯牛，刀工一流，見到都覺得好食！黑豚肉片都擺到靚靚仔仔，份量亦好足！主打嘅海鮮拼盤，勁新鮮，一啲都唔老，隻蝦勁鮮甜呀！鮮打四寶丸，食落好多汁彈牙，食過返唔到轉頭，唔會再想食啲急凍丸！雙拼餃子大大隻超級足料！入面隻蝦仲好彈牙！打邊爐個醬料都好重要，個醬料可以自由組合～好少有機會食到皇帝菜，加埋個湯底真係好好食！仲叫咗個手調青檸特飲，酸酸甜甜咁好開胃，最後同同事兩個人掃晒所有嘢食，食到好飽！真係好滿足